Brailvi Books

نہیں ،۔۔۔۔۔۔ بلکہ قیامت کے دن اس کی بارگاہ میں کھڑے ہونے کو یاد کرو اور خوف وامید کا دامن تھام کر کھڑے ہوجاؤ،۔۔۔۔۔۔ اپنے دل کو دنیا اور مخلوق کی طرف سے پھیر لو اور اپنی پوری توجہ اس طرف لگادو کہ وہ اپنی بارگاہ سے بھاگنے والے کو (حاضر ہوجانے پر) واپس نہیں کرتا اورنہ ہی کسی سائل کو ناامید کرتاہے ۔

    پیارے اسلامی بھائی !جب تم'' اللہ اکبر'' کہو تو یہ بات ذہن میں رہے کہ وہ تمہاری عبادت اور تمہارے ذکر کرنے کا محتاج نہیں ہے کیونکہ محتاجی تو فقراء کی صفت اور مخلوق کی علامت ہے جبکہ وہ توبے نیاز ہے۔ اس نے تو مخلوق کو اپنی عبادت کا حکم اس لئے دیا کہ وہ اس عبادت کے وسیلے سے اس کے عفوودرگزر اور رحمت کے قریب اور اس کے جلال اور عذاب سے دور ہوسکیں۔ اللہ تبارک وتعالیٰ ارشاد فرماتا ہے