Brailvi Books

تَعَالٰی عَنْہَا  اپنے گھریلو کام کاج کی اَنجام دہی کے ساتھ ساتھ اپنے آپ کو عبادتِ الٰہی میں  بھی مشغول رکھا کرتی تھیں  خواہ آپ رَضِیَ اللہُ تَعَالٰی عَنْہَا  کسی بھی کام میں  ہوں  آپ  رَضِیَ اللہُ تَعَالٰی عَنْہَا  ہر وقت یادِ الٰہی میں  مگن رہتیں  اور ایک لمحہ کے لئے بھی یادِ الٰہی سے غافل نہ ہوتیں  اور بیماری اور تکلیف کی حالت میں  بھیاللہ  تعالیٰ کی عبادت ترک نہ کرتیں ۔ آپ نے خاتونِ جنّت رَضِیَ اللہُ تَعَالٰی عَنْہَا کے جذبۂ عبادت کے متعلِّق مُلاحَظہ فرمایا اب ذَوقِ تلاوت مُلاحَظہ کیجئے۔
مصروفیَّت میں  بھی ذِکْر ربوبِیَّت
	حضرتِ سیِّدُناسلمان فارسی رَضِیَ اللہُ تَعَالٰی عَنْــہ  فرماتے ہیں  کہ میں  ایک مرتبہ حضور پُرنور، شافِعِ یومُ النُّشور صَلَّی اللہُ تَعَالٰی عَلَیْہِ وَاٰلِہٖ وَسَلَّم کے حکم سے سیِّدَہ فاطِمہ رَضِیَ اللہُ تَعَالٰی عَنْہَا کی خدمت میں  حاضِر ہوا۔ میں  نے دیکھا کہ حضراتِ حَسَنَینِ کریمین رَضِیَ اللہُ تَعَالٰی عَنْہُمَا  سو رہے تھے اور آپ رَضِیَ اللہُ تَعَالٰی عَنْہَا  ان کو پنکھا جھل رہی تھیں  اور زبان سے کلامِ الٰہی کی تلاوت جاری تھی یہ دیکھ کر مجھ پر ایک خاص حالتِ رِقّت طاری ہوئی۔ (سفینۂ نوح، حصّہ دُوُم، ص۳۵)
	پیاری پیاری اسلامی بہنو! آپ نے مُلاحَظہ فرمایا کہ خاتونِ جنّت سیِّدہ فاطِمہ رَضِیَ اللہُ تَعَالٰی عَنْہَا   کو تلاوت کرنے کا کس قدَر ذَوق تھا کہ اپنی گھریلو مصروفِیّت کے دوران زبان سے تلاوتِ قراٰن کا وِرْد بھی جاری رکھتیں  جبکہ ہماری