Brailvi Books
 |
شانِ خاتونِ جنّت |
234 - 470
گھر سے رخصت جس گھڑی زہرا ہوئیں والِدہ کی یاد میں رونے لگیں دی تسلِّی احمدِ مختار نے اور فرمایا شہِ ابرار نے فاطمہ ہر طرح سے بالا ہو تم میکہ و سسرال میں اَعلیٰ ہو تم باپ تمہارے اِمامُ الانبیاء اور شوہر اولیاء کے پیشوا ماہِ ذِی الحجہ میں جب رخصت ہوئی تب علی کے گھر میں اِک دعوت ہوئی جس میں تھیں دس سیر جَو کی روٹیاں کچھ پنیر اور تھوڑے خُرمے بے گماں اس ضیافت(1) کا ولیمہ(2) نام ہے اور یہ دعوت سنّتِ اسلام ہے سب کو ان کی راہ چلنا چاہئے اور بری رسموں سے بچنا چاہئے (دیوانِ سالِک از حکیمُ الامّت مفتی احمد یار خان عَلَیْہِ رَحْمَۃُ الْحَنَّان) صَلُّوْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد تُوْبُوْا اِلَی اللہ! اَسْتَغْفِرُ اللہ صَلُّوْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد پیاری پیاری اسلامی بہنو! شادیاں تو بَہُت ہوئی ہیں ، ہو رہی ہیں اور ہوتی رہیں گی لیکن ایسی سادہ مگر عظیم ُ الشّان رسمِ نِکاح وبیاہ صرف محبوبینِ خدا اور مُقرَّبینِ مصطفی کا حصّہ ہے، تکلُّف (تَ۔کَلْ۔لُفْ یعنی ظاہرداری) نام کا نہیں لیکن رشک ہر مسلمان کو آتا ہے، دُھوم دھام کا کوئی اتا پتا نہیں لیکن چرچا آج بھی ہو رہا ہے۔ ________________________________ 1 - … دعوت۔ 2 - … نکاح کے بعد کی دعوت جو دولہا کی طرف سے دی جاتی ہے۔ (فیروز اللغات، ص۱۴۸۲)