Brailvi Books

 کرتے جیساکہ آپ نے حدیثِ فاطمہ میں  مُلاحَظہ فرمایا کہ وقت اِفطار کے لئے جو تین صاع جَو لائے وہ بجائے اس میں  کچھ رکھنے کے سب کے سب سائلین پر یکے بعد دیگرے خیرات کر دیئے اور اپنے لئے کچھ بھی نہ رکھا یہ اعلیٰ قسم کی سخاوت تھی اور پھر ان کو جس انعام سے نوازا گیا وہ بھی کم نہیں  کہ تاقیامت پڑھی جانے والی کتاب میں  اللہُ رَبُّ الْعُلٰی عَزَّوَجَلَّ   نے ان کا تذکِرہ فرما دیا جو کہ آپ ابتدائی صفْحات میں  مُلاحَظہ فرما چکی ہیں ۔ اب یہاں  سخاوت کے متعلِّق کچھ مدَنی پھول اور اَسلافِ کِرام رَحِمَہُمُ اللہُ السَّلَام کے ارشاد ات وواقعات نقْل کئے جائیں  گے تاکہ ان کی سخاوت سے ہمیں  بھی کچھ حصّہ مل جائے۔ یہ بات ہمیشہ پیشِ نظَر رکھنی چاہئے کہ  سخاوت کرنے سے ہمیشہ فائِدہ ہی ہوتا ہے اورمال بھی گھٹتا نہیں  بلکہ بڑھتا ہے۔ دینِ اسلام کی تبلیغ بھی سخاوت و حسنِ اَخلاق پر مُنحصِر ہے ، جیساکہ 
دینِ اسلام کی اِصلاح کس پر منحصر ہے
	رسولوں  کے سالار،نبیوں  کے تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّم کا فرمانِ خوشبودار ہے: ’’یہ وہ دین ہے جسے اللہ عَزَّوَجَلَّ   نے اپنے لئے چن لیا اور تمہارے دین کی اصلاح سخاوت اور حُسنِ اَخلاق ہی پر منحصر ہے، پس ان دونوں  کے ساتھ اپنے دین کو آراستہ کرو۔‘‘ 
(جمع الجوامع، قسم الاقوال، ج۲، ص۲۳۲، الحدیث:۵۲۵۳)