Brailvi Books

جلدوں میں بڑی بڑی ضخیم کتابیں اسی مضمون پر لکھ کرسعادت کونین سے سرفراز اور دولت دارین سے مالامال ہوگئے اوراس میں شک نہیں کہ ان بزرگان دین رحمہم اللہ تعالیٰ نے اپنی ان ضخیم کتابوں میں سیرت نبویہ کے تمام اہم عنوانوں پر سیر حاصل تفاصیل فراہم کی ہیں لیکن پھر بھی ان میں سے کوئی بھی یہ دعویٰ نہیں کرسکتا کہ ہم نے شہنشاہ کونین صلی اللہ تعالیٰ علیہ وسلم کی سیرت پاک کے تمام گوشوں کو مکمل کر کے اس کے تمام جزئیات کا احاطہ کرلیا ہے کیونکہ سیرت نبویہ کا ہر عنوان وہ بحر ناپیدا کنارہے کہ اس کو پارکر لینا بڑے بڑے اہل علم کے لئے اتنا ہی دشوار ہے جتنا کہ آسمان کے چاند وستاروں کو توڑ کر اپنے دامن میں رکھ لینا ۔

    اب ظاہر ہے کہ جو کام علم وعمل کے ان سر بلند پہاڑوں سے نہ ہوسکا بھلا مجھ جیسے ناکارہ انسان سے اس کام کے انجام پاجانے کا کیونکر تصورکیا جاسکتاہے ؟اس لئے مجھے اسی میں اپنی خیریت نظر آئی کہ صرف چند اوراق کی ایک کتاب سیرت نبویہ کے موضوع پر لکھ کر مصنفین سیرت کی مقدس فہرست میں اپنا نام لکھوا لوں اور ان بزرگوں کی صف نعال میں جگہ پالینے کی سعادت حاصل کرلوں ۔

    ثانیاً: یہ کہ انسانی مصروفیات کے اس دور میں جب کہ مسلمانوں کو اپنی ضروریات زندگی سے بالکل ہی فرصت نہیں مل رہی ہے اورعلمی تحقیقات سے ان کی ہمتیں کوتاہ اوردلچسپیاں ناپید ہوچکی ہیں اورذہن وحافظہ کی قوتیں بھی کافی حد تک ماؤف وکمزورہوچکی ہیں،آج کل کے مسلمانوں سے یہ امید فضول نظر آئی کہ وہ طویل ومفصل او رموٹی موٹی کتابوں کو پڑھ کر اس کے مضامین کو اپنے ذہن وحافظہ میں محفوظ رکھ سکیں گے ۔ لہٰذا اس حال وماحول کا لحاظ کرتے ہوئے میرے خیال میں یہی مناسب