یہ کتاب اگرچہ اپنے موضوع کے اعتبار سے بہت ہی مختصر ہے لیکن بحمدہٖ تعالیٰ سیرت نبویہ کے ضروری مضامین کی ایک حد تک جامع ہے، جس کو میں چمنستان سیرت کے گلہائے رنگا رنگ کا ایک مقدس اورحسین گلدستہ بنا کر ''سیرۃ المصطفیٰ ''کے نام سے ناظرین کی خدمت میں پیش کرنے کی روحانی مسرت حاصل کر رہا ہوں ۔
پہلے خیال تھا کہ سیرت مقدسہ کے تمام عنوانوں پر کئی جلدوں میں ایک مبسوط ومفصل کتا ب تحریرکروں مگر بچندوجوہ مجھے اپنے اس خیال سے رجوع کرنا پڑا۔
اولاً : یہ کہ مجھ سے پہلے ہر زمانے میں اورہر زبان میں ہزاروں خوش نصیبوں کو حضور رحمت عالم صلی اللہ تعالیٰ علیہ وسلم کی مقدس سیرت پر کتابیں لکھنے کی سعادت حاصل ہوئی اوران شاء اللہ تعالیٰ قیامت تک ہزاروں لاکھوں خوش بخت مسلمان اس سعادت سے سرفراز ہوتے رہیں گے ۔ بہت سے خوش قسمت مصنفین ہزاروں صفحات پر کئی کئی