Brailvi Books
 |
سایہ عرش کس کس کو ملے گا؟ |
61 - 86
اور شیطان کی درمیان ستَّر حجاب (یعنی پردے) حائل ہوجائیں گے،پھر جب قیامت کا دن ہوگا تو اللہ عَزَّوَجَلَّ اس سے فرمائے گا: ''اے میرے بندے !میں تیرا رب ہوں، میرے عرش کے سائے میں چل ،حوض کوثر سے سیراب ہو ،نہرِسَلْسَبِیْل سے غسل کر اور جنت میں بغیر کسی حساب و عذاب کے داخل ہوجا۔''
(الدر المنثور ، تفسیر سورۃ الانعام ، ج ۳ ، ص ۲۴۵)
حدیث شریف کے دوشواہد ستَّرفرشتے دعائے مغفرت کرتے ہیں:
(۱)۔۔۔۔۔۔حضرت سیِّدُنا عبداللہ بن مسعود رضی اللہ تعالیٰ عنہ سے مروی ہے کہ سرکارِ مدینہ ، قرارِ قلب سینہ ،با عثِ نُزولِ سکینہ صلَّی اللہ تعالیٰ علیہ وآلہ وسلَّم کافرمانِ مغفرت نشان ہے: ''جس نے نمازِ فجر جماعت سے پڑھی پھراسی جگہ بیٹھا رہا اور سورہ انعام کی پہلی تین آیات تلاوت کیں تواللہ تبارک و تعالیٰ اس کے ساتھ ستَّر فرشتے مقرر فرمادے گاجو قیامت تک اللہ عَزَّوَجَلَّ کی تسبیح بیان کریں گے اور اس شخص کے لئے مغفرت کی دعاکرتے رہیں گے۔ ''