امیرالمؤمنین حضرت سیِّدُنا مولیٰ علی کَرَّمَ اللہُ تَعَالٰی وَجْہَہُ الْکَرِیْم سے مروی ہےکہ شہنشاہِ مدینہ،قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ وآلہ وسلَّم کافرمانِ بشارت نشان ہے: '' بروز قیامت سب سے پہلے عرش کا سایہ پانے والوں کے لئے خوشخبر ی ہے۔ ''عرض کی گئی:'' یا رسول اللہ صلَّی اللہ تعالیٰ علیہ وآلہ وسلَّم!وہ کون لوگ ہیں ؟''آپ صلَّی اللہ تعالیٰ علیہ وآلہ وسلَّم نے ارشاد فرمایا:''اے علی رضی اللہ تعالیٰ عنہ!جولوگ تمہاری پیروی کرتے اورتم سے محبت کرتے ہیں۔ ''
