Brailvi Books

    امام ابن ابی الدنیارحمۃاللہ تعالیٰ علیہ نے اسی سندکے ساتھ''کتاب العزاء'' میں اس حدیث پاک کی تخریج فرمائی ہے ۔اوراس میں اس بات کی صراحت ہے کہ ان خصائل میں سے ہر خصلت سایہ عرش کے لئے مستقل استحقاق کی حامل ہے۔اور مریض کی عیادت کے بارے میں توایک مرفوع شاہد موجودہے ،چنانچہ،

    امیرالمؤمنین حضرت سیِّدُنا عمربن خطاب رضی اللہ تعالیٰ عنہ سے روایت ہے کہ تاجدارِ رِسالت، شہنشاہِ نُبوت، مَخْزنِ جودوسخاوت، پیکرِعظمت و شرافت، مَحبوبِ رَبُّ العزت،محسنِ انسانیت عَزَّوَجَلَّ وصلَّی اللہ تعالیٰ علیہ وآلہ وسلَّم کافرمانِ ذیشان ہے :'' قیامت کے دن پکارنے والاپکارے گا،'' کہاں ہیں وہ لوگ جو دنیا میں مریضوں کی عیادت کرتے تھے۔''پس (جب وہ حاضرہوں گے تو)انہیں نور کے منبروں پر بٹھایا جائے گا جہاں یہ اللہ عَزَّوَجَلَّ سے شرفِ کلام حاصل کریں گے جبکہ لوگ حساب دے رہے ہوں گے۔''