Brailvi Books

    حضرت سیِّدُنا شدادبن اوس رضی اللہ تعالیٰ عنہ اپنے والدسے روایت کرتے ہیں،وہ فرماتے ہیں کہ میں نے شہنشاہِ مدینہ،قرارِ قلب و سینہ، صاحبِ معطر پسینہ، باعثِ نُزولِ سکینہ، فیض گنجینہ صلَّی اللہ تعالیٰ علیہ وآلہ وسلَّمکو ارشادفرماتے ہوئے سنا: ''جس نے کسی تنگدست مقروض کو مہلت دی یا اس پرمالِ قرض کوصدقہ کردیا، اللہ عَزَّوَجَلَّ قیامت کے دن اس کو اپنے عرش کے سائے میں جگہ عطا فرمائے گا۔''

 (مجمع الزوائد،کتاب البیوع،باب فی من فرج عن معسر۔۔۔۔۔۔الخ ،الحدیث۶۶۷۱،ج۴،ص۲۴۱)

حدیث ِسیِّدُنا جابر رضی اللہ تعالیٰ عنہ:

    حضرت سیِّدُنا جابربن عبداللہ رضی اللہ تعالیٰ عنہ سے مروی ہے کہ سرکارِ مدینہ ، قرارِ قلب سینہ ،با عثِ نُزولِ سکینہ صلَّی اللہ تعالیٰ علیہ وآلہ وسلَّم کافرمانِ ذیشان ہے:''جس شخص کو یہ پسندہوکہ اللہ عَزَّوَجَلَّ اُسے قیامت کی مشکلات سے نجات عطافرماکر