Brailvi Books

     یِہی اسلامی بھائی مزید کہتے ہيں: ۸ رَمَضانُ الْمبارَک۱۴۲۷؁ھ ، 2اکتوبر 2006؁ مجھ بد کار انسان پر کرم با لائے کرم يہ ہوا کہ اِفطار سے قبل اجتماعی طور پرپڑھی جانے والی مُناجات کے دوران ميں گنبدِ خَضْرا کے تصوُّر ميں گُم تھا کہ ايک بار پھر وہی نُورانی منظر سامنے تھا۔کيا ديکھتاہوں کہ سلطانِ دو جہاں،شَہَنْشاہِ کون و مکان، رَحمتِ عالميان صلی اللہ تعالیٰ عليہ واٰلہٖ وسلم اپنے صحابہ کرام رضوان اللہ تعالیٰ علہیم اجمعین کے ہمراہ تشريف فرما ہيں ۔چار فِرشتوں نے حاضرِ خدمت ہو کر آپ صلی اللہ تعالیٰ عليہ واٰلہٖ وسلم کو سلام عرض کیا آپصلی اللہ تعالیٰ عليہ واٰلہٖ وسلم نے جواب ارشاد فرمايا۔پھر وہ فرشتے یہ عرض کرنے لگے :''يا رَسولَ اللہ (عَزَّوَجَلَّ وصلی اللہ تعالیٰ عليہ واٰلہٖ وسلم)ا للہ تعالیٰ نے ''الياس قادری'' کو سلام بھیجا ہے۔ ''سرکار صلی اللہ تعالیٰ عليہ واٰلہٖ وسلم کے لبِ ہائے مبارَکہ کوجُنبِش ہوئی،رَحمت کے پھول جھڑنے لگے،الفاظ کچھ يوں ترتيب پائے: ''سلام اُن کو پہنچ جا ئے گا۔''

                                                                                                              اللہ عَزّوَجَلَّ  کی امیرِ اَہلسنّت پَر رَحمت ہو اور ان کے صد قے ہماری مغفِرت ہو