Brailvi Books
 |
صحابہ کِرام کا عشقِ رسول |
78 - 273
تعالیٰ عنہ نے عرض کیا:'' قسم ہے اس ذات کی جس نےآپ صلی اللہ تعالیٰ علیہ واٰلہٖ وسلم کو دین حق کے ساتھ بھیجا ہے،ان (ابو قحافہ) کے اسلام کی نسبت (آپ کے چچا) ابو طالب کا اسلام (اگر وہ اسلام لاتے) میری آنکھوں کو زیادہ ٹھنڈا کرنے والا تھا۔''
(الشفاء بتعریف حقوق المصطفی صلی اللہ علیہ وسلم،الباب الثانی،ج۲،ص۴۱)
(۴) حضرت ثمامہ بن اُثال یمامی جو اہل یمامہ کے سردار تھے ایمان لاکر کہنے لگے:
'' خدا عزوجل کی قسم میرے نزدیک روئے زمین پر کوئی چہرہ آپ صلی اللہ تعالیٰ علیہ والہٖ وسلم کے چہرے سے زیادہ مبغوض نہ تھا۔ آج وہی چہرہ مجھے سب چہروں سے زیادہ محبوب ہے۔ اللہ عزوجل کی قسم میرے نزدیک کوئی دین آپ صلی اللہ تعالیٰ علیہ والہٖ وسلم کے دین سے زیادہ برانہ تھااب وہی دین میرے نزدیک سب دینوں سے زیادہ محبوب ہے۔ اللہ عزوجل کی قسم میرے نزدیک کوئی شہر آپ صلی اللہ تعالیٰ علیہ والہٖ وسلم کے شہر سے زیادہ مبغوض نہ تھا۔ اللہ عزوجل کی قسم اب وہی شہر میرے نزدیک سب شہروں سے زیادہ محبوب ہے۔''(صحیح البخاری،کتاب المغازی،باب وفدبنی حنیفۃ،الحدیث۴۳۷۲،ج۳،ص۱۳۱)