Brailvi Books

 (۹)عصائے مصطفی صلی اللہ تعالیٰ علیہ واٰلہٖ وسلم کی برکات : جابربن عبداللہ رضی اللہ تعالیٰ عنہ کا بیان ہے کہ میرے پاس غزوہ ذات الرقاع میں ایک اونٹ تھا جس کا گھٹنا ٹوٹا ہو ا تھا رسول اللہ صلی اللہ تعالیٰ علیہ واٰلہٖ وسلم میرے پاس سے گزرے مگر اونٹ کی سست روی اس بات کی اجازت نہ دیتی تھی کہ میں آپ صلی اللہ تعالیٰ علیہ واٰلہٖ وسلم کا ساتھ دے سکوں مجھ سے پوچھا گیا تو میں نے سارا ماجرا سنایا آپ صلی اللہ تعالیٰ علیہ واٰلہٖ وسلم نے عصاء لیکر اونٹ پر تین مرتبہ گِھسااو ر پھر پانی کا چلو بھر کر اس پر چھڑکا اور حکم دیا کہ سوار ہو جاؤ مجھے قسم ہے اس خدا عزوجل کی جس نے ہم پر ایک سچا رسول مبعوث فرمایا،  آنحضرت صلی اللہ تعالیٰ علیہ واٰلہٖ وسلم جس قدر تیز چلاتے تھے میرا اونٹ پیچھے نہ رہتا اور میں حضور صلی اللہ تعالیٰ علیہ واٰلہٖ وسلم کے ہمراہ ہی رہتا تھا۔