Brailvi Books

    قافلے کے پیچھے گری پڑی چیز اٹھانے کے لئے ایک صاحب رہا کرتے تھے۔ اس موقع پر حضرت صفوان رضی اللہ تعالیٰ عنہ اس کام پر تھے جب وہ آئے اور انھوں نے آپ رضی اللہ تعالیٰ عنہا کو دیکھا تو بلند آواز سے

'' اِنَّالِلّٰہِ وَ اِنَّا اِلَیْہِ رَاجِعُوْنَ ''

پکارا۔ آپ رضی اللہ تعالیٰ عنہا نے کپڑے سے پردہ کرلیا انھوں نے اپنی اونٹنی بٹھائی، آپ رضی اللہ تعالیٰ عنہا اس پر سوارہو کر لشکر میں پہنچیں ۔ منافقین سیاہ باطن نے اوہامِ فاسدہ پھیلائے اور آپ رضی اللہ عنہا کی شان میں بدگوئی شروع کی بعض مسلمان بھی اُن کے فریب میں آگئے اور انکی زبان سے بھی کوئی کلمۂ بے جا سرزد ہوا۔ ام المومنین رضی اللہ عنھا بیمار ہوگئیں اور ایک ماہ تک بیمار رہیں، اس زمانہ میں انھیں اطلاع نہ ہوئی کہ منافقین ان کی نسبت کیا بک رہے ہیں۔