Brailvi Books

صحابہ کِرام کا عشقِ رسول

49 - 273

    حضرت عمر وبن العاص رضی اللہ عنہ فرماتے ہیں کہ مجھے نبی اکرم صلی اللہ تعالیٰ علیہ واٰلہٖ وسلم سے زیادہ نہ توکوئی محبوب تھا اور نہ میری نگاہ میں آپ صلی اللہ تعالیٰ علیہ واٰلہٖ وسلم سے زیادہ کوئی محترم تھا اس کے باوجود آپ صلی اللہ تعالیٰ علیہ واٰلہٖ وسلم کے احترام کے سبب میں آنکھ بھر کر آپ صلی اللہ تعالیٰ علیہ واٰلہٖ وسلم کے جمال کی زیارت نہ کرسکتا تھا۔ اگر مجھ سے حضور صلی اللہ تعالیٰ علیہ واٰلہٖ وسلم کی صفت پوچھی جائے تو میں بیان نہیں کرسکوں گا کیونکہ میں آنکھ بھر کر آپ صلی اللہ تعالیٰ علیہ واٰلہٖ وسلم کے جمال سے بہرہ نہیں ہوسکتا تھا۔''

                     (الشفاء ،الباب الثالث،ج۲،ص۶۸)

    حضرت اسامہ رضی اللہ تعالیٰ عنہ فرماتے ہیں کہ میں بارگاہ رسالت صلی اللہ تعالیٰ علیہ واٰلہٖ وسلم میں اس حال میں حاضر ہو ا کہ صحابہ کرام علیہم الرضوان آپ صلی اللہ تعالیٰ علیہ واٰلہٖ وسلم کے گرد اس طرح بیٹھے ہوئے تھے گویا ان کے سروں پر پرندے بیٹھے ہوئے ہیں ۔