Brailvi Books

    اس آیت کریمہ کے دوپہلو ہیں ایک تویہ کہ جب رسول اللہ عزوجل وصلی اللہ تعالیٰ علیہ واٰلہٖ وسلم تم کو بلائیں تو ان کے بلانے کو کوئی معمولی بلانا نہ سمجھ بیٹھنا بلکہ میرے رسول صلی اللہ تعالیٰ علیہ واٰلہٖ وسلم کے بلانے کی شان تو یہ ہے کہ اگر وہ کسی کو عین نماز میں بھی آوازدیں فوراََ نمازہی کی حالت میں حاضر ہونا فرض ہے جیسا کہ بخاری شریف کی حدیث میں ہے کہ حضرت سعید بن معلی رضی اللہ عنہ نے کہا میں مسجد میں نماز پڑھ رہا تھا کہ مجھے رسول اللہ عزوجل و صلی اللہ تعالیٰ علیہ واٰلہ وسلم نے آواز دی میں چونکہ نماز پڑھ رہا تھا اس لئے جواب نہ دیا پھرنماز سے فارغ ہو کر حضور صلی اللہ تعالیٰ علیہ واٰلہٖ وسلم کی خدمت میں آکر عرض کیا یارسول عزوجل وصلی اللہ تعالیٰ علیہ واٰلہٖ وسلم میں نماز پڑھ رہا تھا(اس لئے حاضر نہ ہوسکا) حضور صلی اللہ تعالیٰ علیہ واٰلہٖ وسلم نے فرمایا کیا اللہ تعالیٰ کا یہ حکم نہیں سنا ہے !