Brailvi Books

ترجمہ کنزالایمان: اورمحمدتو ایک رسول ہیں ان سے پہلے اور رسول ہوچکے تو کیا اگر وہ انتقال فرمائیں یا شہید ہوں تو تم الٹے پاؤں پھر جاؤگے اور جو الٹے پاؤں پھرے گا اللہ کا کچھ نقصان نہ کریگا اور عنقریب اللہ شکر والوں کو صلہ دے گا۔(پ4،اٰل عمران:144)

    ابوہریرہ رضی اللہ تعالیٰ عنہ کہتے ہیں ابو بکرصدیق رضی اللہ تعالیٰ عنہ نے جب یہ آیت پڑھی تو لوگ ایسے ہوگئے کہ گویاانھوں نے کبھی پہلے یہ آیت سنی ہی نہ تھی۔ اس وقت لوگوں نے حضرت ابوبکرصدیق رضی اللہ تعالیٰ عنہ سے اس آیت کو سن کر اپنی یادتازہ کرلی، اور حضرت عمر رضی اللہ تعالیٰ عنہ کا اپنا بیان ہے جس وقت ابوبکرصدیق رضی اللہ تعالیٰ عنہ کی زبان سے میں نے یہ آیت سنی مجھ کو ایسا معلوم ہوا کہ گویا میرے پاؤں کٹ گئے میں کھڑا نہ رہ سکااسی وقت زمین پر گر پڑا اور میں نے جانا حضور صلی اللہ تعالیٰ علیہ وآلہٖ وسلم کا وصال ہوگیا۔