Brailvi Books

انصار کا یہ معمول تھا کہ آنحضرت صلی اللہ علیہ وسلم کی رضا مندی جانے بغیر اپنی بیواؤں کی شادی نہیں کرتے تھے۔ ایک دن آپ صلی اللہ تعالیٰ علیہ وسلم نے ایک انصاری سے فرمایا: تم اپنی لڑکی کا نکاح کردو، وہ تومنتظرہی تھے، باغ باغ ہوگئے لیکن آپ صلی اللہ تعالیٰ علیہ وسلم نے فرمایا، میں اپنے لئے نہیں بلکہ جلبیب کے لئے پیغام دیتا ہوں ، جلبیب رضی اللہ تعالیٰ عنہ ایک ظریف الطبع صحابی تھے جو عورتوں کے ساتھ ظرافت اور مذاق کی باتیں کیا کرتے تھے، اس لئے صحابہ رضی اللہ تعالیٰ عنہم ان کو عموماً ناپسند کرتے تھے، انھوں نے جلبیب کا نام سنا تو بولے، اس کی ماں سے مشورہ کرلوں، ماں نے جلبیب کا نام سنا تو انکار کردیا۔ لیکن لڑکی نے کہا، رسول اللہ عزوجل و صلی اللہ علیہ وسلم کی بات نا منظور نہیں کی جاسکتی مجھے آپ صلی اللہ تعالیٰ علیہ وآلہٖ وسلم کے حوالے کردو، آپ مجھے ضائع نہ کریں گے۔