Brailvi Books

اس لئے اگر آپ صلی اللہ تعالیٰ علیہ وآلہٖ وسلم کسی ناگوار واقعہ سے کبیدہ خاطر ہوجاتے تھے تو صحابہ کرام رضی اللہ تعالیٰ عنہم ہر ممکن تدبیر سے آپ صلی اللہ تعالیٰ علیہ والہ وسلم کو راضی کرنا چاہتے تھے آپ صلی اللہ تعالیٰ علیہ وآلہٖ وسلم نے ازواج مطہرات رضی اللہ تعالیٰ عنھن سے ایلاء کیا تو صحابہ کرام رضی اللہ تعالیٰ عنہم پرمصیبت کا پہاڑ ٹوٹ پڑا۔ حضرت عمررضی اللہ عنہ نے آپ صلی اللہ تعالیٰ علیہ والہ وسلم کو راضی کرنا چاہا، اور دردولت پر تشریف لے گئے۔ دربان نے روک لیا ۔سمجھے کہ شاید حضورصلی اللہ تعالیٰ علیہ والہ وسلم کو یہ خیال ہے کہ حفصہ رضی اللہ تعالیٰ عنہاکی خاطر آئے ہیں۔ اسلئے دربان سے کہا کہ اگر سرکارصلی اللہ تعالیٰ علیہ وآلہٖ وسلم کا یہ خیال ہے تو کہدو کہ خداعزوجل کی قسم! آپ حکم دیں تو حفصہ رضی اللہ تعالیٰ عنہا کی گردن اڑادوں۔

    حضرت ابو بکرصدیق رضی اللہ عنہ پہلے آ چکے تھے۔ حضرت عمر رضی اللہ عنہ آئے تو حضرت ابوبکر صدیق رضی اللہ عنہ نے رسول اللہ عزوجل و صلی اللہ تعالیٰ علیہ وآلہٖ وسلم کو ہنسانے کیلئے کہا اگر بنت خارجہ( حضرت ابو بکر رضی اللہ عنہ کی زوجہ) مجھ سے نا ن و نفقہ طلب کرتیں تو میں اٹھ کے ان کی گردن تو ڑ دیتا ، آپ ہنس پڑے ازواج مطہرات رضی اللہ تعالیٰ عنھن کی طرف اشارہ کر کے فرمایا: یہ لوگ مجھ سے نفقہ ہی تو مانگ رہی ہیں۔ دونوں بزرگ اٹھے اور حضرت عائشہ اور حضرت حفصہ رضی اللہ عنہما کی گردن توڑنی چاہی اور کہا رسول اللہ