قرآن مجید کے مواعظ اور رسول اللہ عزوجل و صلی اللہ تعالیٰ علیہ وآلہٖ وسلم کے کلمات طیبہ نے اگرچہ عہد صحابہ رضی اللہ تعالیٰ عنہم میں شاعری کے دفتر پر پانی پھیردیا تھا۔ تاہم بلبلان باغ قدس آپ صلی اللہ تعالیٰ علیہ وآلہٖ وسلم كي مدح میں کبھی کبھی زمزمہ خواں ہوجاتے تھے ، اور چونکہ یہ اشعار سچے دل سے نکلتے تھے، اور سچی تعریف پر مشتمل ہوتے تھے، اس لئے دلوں پر اثرڈالتے تھے۔ حضرت عبداللہ بن رواحہ، حضرت کعب بن زبیر، اورحضرت حسان بن ثابت رضی اللہ عنہم کا یہ خاص مشغلہ تھا۔ حضرت عبداللہ بن رواحہ رضی اللہ تعالیٰ عنہ کے چند مدحیہ اشعار بخاری میں مذکورہیں۔
