Brailvi Books

    آپ صلی اللہ تعالیٰ علیہ وآلہٖ وسلم كي مبارک صحبتوں کی یاد آتی تو صحابہ کرام رضی اللہ تعالیٰ عنہم کی آنکھوں سے بے اختیار آنسو جاری ہوجاتے۔ ایک بار حضرت ابوبکر اور حضرت عباس رضی اللہ تعالیٰ عنہما انصار کی ایک مجلس میں گئے تو دیکھا کہ سب لوگ رورہے ہیں، سبب پوچھا تو بولے کہ ہم کو سرکار صلی اللہ تعالیٰ علیہ وسلم کی مجلس یادآگئی، علامہ ابن حجررحمۃ اللہ تعالیٰ علیہ اس حدیث کی شرح میں لکھتے ہیں کہ یہ واقعہ آپ صلی اللہ تعالیٰ علیہ وآلہٖ وسلم كي علالت کے زمانہ کا ہے،جس میں انصار کو یہ خوف پیدا ہوا کہ اگر اس مرض میں آپ صلی اللہ تعالیٰ علیہ وسلم کا وصال ہواتوآپ کی مجلس میسر نہ ہوگی، اس لئے وہ اس غم میں رو پڑے۔