حضرت اسید بن حضیر رضی اللہ تعالیٰ عنہ ایک شگفتہ مزاج صحابی تھے، ایک روز ہنسی مذاق کی باتیں کرتے تھے، کہ آپ صلی اللہ تعالیٰ علیہ وآلہٖ وسلم نے ان کے پہلو میں ایک چھڑی سے کونچ دیا، انہوں نے اس کا انتقام لینا چاہا آپ صلی اللہ تعالیٰ علیہ وآلہٖ وسلم اس پر راضی ہوگئے ، لیکن انہوں نے کہا آپ صلی اللہ تعالیٰ علیہ وآلہٖ وسلم کےبدن پر کرتا ہے، حالانکہ میرے بدن پرکرتا نہیں، آپ صلی اللہ تعالیٰ علیہ وآلہٖ وسلم نے کرتا بھی اٹھادیا، کرتے کا اٹھانا تھا کہ وہ آپ سے لپٹ گئے، کروٹ کو بوسہ دیا، اور عرض کیا: یا رسول اللہ! عزوجل وصلی اللہ تعالیٰ علیہ وآلہٖ وسلم یہی مقصود تھا۔
