Brailvi Books

     ان بزرگوں کے علاوہ اکثر صحابہ رضی اللہ تعالیٰ عنہم جو آپ صلی اللہ تعالیٰ علیہ وآلہٖ وسلم کی خدمت میں حاضر رہتے تھے ان کو بھی عموماً شرف خدمت حاصل ہوا کرتا تھا، ایک بار آپ صلی اللہ تعالیٰ علیہ وآلہٖ وسلم رفع حاجت کے لئے بیٹھے تو حضرت عمر رضی اللہ عنہ آپ کے پیچھے پانی کا کوزہ لیکر کھڑے رہے ،  آپ صلی اللہ تعالیٰ علیہ وآلہٖ وسلم نے پوچھا عمر کیا ہے؟ بولے کہ وضو کا پانی، فرمایا کہ ہر وقت اس کی ضرور ت نہیں ۔

 (سنن ابی داود،کتاب الطھارۃ، باب فی الاستبراء ، الحدیث:۴۲،ج۱،ص۴۹)

    حضرت ابو ہریرہ رضی اللہ عنہ جو ہمیشہ خدمت مبارک میں حاضر رہتے تھے انکو اکثر یہ شرف حاصل ہوتا کہ جب آپ صلی اللہ تعالیٰ علیہ وآلہٖ وسلم رفع حاجت کے لئے تشریف لے جاتے تو وہ کسی طشت یا کوزہ میں پانی لاتے اور  آپ صلی اللہ تعالیٰ علیہ وآلہٖ وسلم وضو کرتے۔

 (سنن ابی داود،کتاب الطہارۃ ، باب الرجل یدلک یدہ بالأرض اذا استنجی، الحدیث:۴۵،ج۱،ص۵۰)