Brailvi Books
 |
صحابہ کِرام کا عشقِ رسول |
170 - 273
احادیث میں اسی حالت کا نقشہ ان الفاظ میں کھینچا گیا ہے، کانما علیٰ رءُ وسھم الطیر یعنی صحابہ آپ صلی اللہ تعالیٰ علیہ والہ وسلم کے سامنے اس طرح بیٹھتے تھے گویا ان کے سروں پر چڑیا ں بیٹھی ہوتی ہیں۔
(سنن ابی داود، کتاب الطب، باب فی الرجل یتداوی، الحدیث:۳۸۵۵،ج۴، ص۵)
گھر میں بچے پیدا ہوتے تو ادب سے ا ن کا نا م محمد نہ رکھتے ،ایک دفعہ ایک صحابی رضی اللہ تعالیٰ عنہ کے گھر میں بچہ پیدا ہوا تو انہوں نے محمد نام رکھا۔ لیکن ان کی قوم نے کہا ہم نہ یہ نام رکھنے دیں گے نہ اس کنیت سے تم کو پکاریں گے تم اس کے متعلق خود رسول اللہ عزوجل و صلی اللہ تعالیٰ علیہ وآلہٖ وسلم سے مشورہ کرلو۔ وہ بچے کو لیکر آپ صلی اللہ تعالیٰ علیہ وآلہٖ وسلم کی خدمت میں حاضر ہوئے اور واقعہ بیان کیا ، تو ارشاد ہوا کہ میرے نام پر نام رکھو لیکن میری کنیت نہ اختیار کرو۔
(صحیح مسلم ، کتاب الاٰداب ، باب النھی عن التکنی بابی القاسم.....الخ، الحدیث:۲۱۳۳،ص۱۱۷۸)