Brailvi Books

    ایک صحابی رضی اللہ تعالیٰ عنہ کو حضور صلی اللہ تعالیٰ علیہ والہٖ وسلم نے خَزّ(اون اور ریشم سے بُنا ہوا کپڑا)کا سیاہ عمامہ عطا فرمایا تھا، انہوں نے اس کو محفوظ رکھا تھااور اس پر فخر کیا کرتے تھے، چنانچہ ایک بار بخارا میں خچر پر سوار ہوکر نکلے تو عمامہ دکھاکر کہا کہ اس کو رسول اللہ عزوجل و صلی اللہ تعالیٰ علیہ وآلہٖ وسلم نے مجھ کو عنایت فرمایا تھا ۔

(سنن ابی داود،کتاب اللباس،باب ماجاء فی الخز،الحدیث:۴۰۳۸، ج۴، ص۶۴)

 آپ صلی اللہ تعالیٰ علیہ والہ وبارک وسلم کے چند بال مبارک حضرت ام سلمہ رضی اللہ تعالیٰ عنہا نے بطور یادگار کے محفوظ رکھے تھے اور جب کوئی شخص بیمار ہوتا تھا تو ایک برتن میں پانی بھر کر بھیج دیتا تھا اور وہ اس میں ان مبارک بالوں کو دھو کر واپس کردیتی تھیں، جس کو وہ شفا حاصل کرنے کے لئے پی جاتا تھا( یا اس سے غسل کرلیتا تھا)۔

(صحیح البخاری،کتاب اللباس،باب مایذکر فی الثیب،الحدیث۵۸۹۶،ج۴،ص۷۶)