Brailvi Books

 پڑھا۔ پھر کیا تھا چاروں طرف سے لوگ اٹھے اور اس قدر مارا کہ زخمی کردیا، مرنے کے قریب ہوگئے۔

     حضور صلی اللہ تعالیٰ علیہ والہٖ وسلم کے چچا حضرت عباس رضی اللہ تعالیٰ عنہ جو اس وقت مسلمان بھی نہیں ہوئے تھے ،ان کے اوپر بچانے کے لئے لیٹ گئے اور لوگوں سے کہا کیا ظلم کرتے ہو یہ شخص قبیلہ غفار کا ہے اور یہ قبیلہ ملک شام کے راستہ میں پڑتا ہے ، تمہاری تجارت وغیرہ سب ملک شام کے ساتھ ہے اگر یہ مرگیا تو شام کا آنا جانا بند ہوجائیگا۔اس پر ان لوگوں کو بھی خیال ہواکہ ملک شام سے ساری ضرورتیں پوری ہوتی ہیں، وہاں کا راستہ بند ہوجانا مصیبت ہے اس لئے ان کو چھوڑدیا دوسرے دن پھر اسی طرح انھوں نے جاکر با آواز بلند کلمہ پڑھا اور لوگ اس کلمہ کوسننے کی تاب نہ لاسکتے تھے۔ اس لئے ان پر ٹوٹ پڑے ، دوسرے دن بھی حضرت عباس رضی اللہ تعالیٰ عنہ نے اسی طرح انکو سمجھا کر ہٹایاکہ تجارت کا راستہ بند ہوجائے گا۔