Brailvi Books

    مال ودولت کی حرص سے نجات حاصل کرنے کے لئے اپنا ذہن بنائے کہ مال دینے اور روکنے کے سلسلے میں اللہ تبارک وتعالیٰ ہی دلوں کومُسَخَّر فرمانے والا ہے ،یہ لوگ تو مجبورِ محض ہیں ،رزق دینے والی ذات صرف اللہ تعالیٰ کی ہے ۔جو شخص لوگوں کے مال کی لالچ رکھتا ہے وہ ذلیل ورُسوا ہوجاتا ہے اور اگر اسے مال مل بھی جائے تو دینے والے کا اِحسان مند ہونا پڑتا ہے ،تو جب مال کا ملنا بھی یقینی نہیں اور ذلت ورسوائی کا اندیشہ بھی ہے تو میں کیوں عبادت کے ذریعے لوگوں کو متاثر کرکے ان سے مال حاصل کرنے کی کوشش کروں بلکہ میں اپنے رب عَزَّوَجَلَّ کو راضی کرنے کے لئے عبادت کروں گااِنْ شَاءَ اللہ عَزَّوَجَلَّ۔