Brailvi Books

     نفس وشیطان کے دھوکے کو اس طرح بھی پہچانا جاسکتا ہے کہ بطورِ ترغیب اپنا نیک عمل ظاہر کرنے سے پہلے اپنے دل سے سوال کیجئے کہ'' اگر تجھے کہا جائے کہ اپنے عمل کو پوشیدہ رکھو تاکہ لوگ کسی دوسرے کے عمل کی پیروی کریں جو تیرا ہم عصر ہے اور تجھے عمل کے پوشیدہ رکھنے کا ثواب اسی قدر ملے گا جس قدر ظاہر کرنے سے ہوتا ہے۔'' اب اگر اس کا دل اس بات کی طر ف مائل ہوکہ اسی کی پیروی کی جائے اور وہی عمل کو ظاہر کرے تواُسے سمجھ جانا چاہيے کہ اظہارِ عمل کا مقصود ریاکاری ہے طلبِ ثواب نہیں ،نہ لوگو ں کو اپنے پیچھے لانا ہے اور نہ ہی ان کو بھلائی کی ترغیب دینا ہے کیونکہ لوگ تو دوسرے شخص کو دیکھ کر بھی رغبت حاصل کرلیتے اور اسے عمل کو پوشیدہ رکھنے کا زیادہ ثواب مل جاتا! اگر لوگو ں کو دکھانا مقصود نہیں ہے تو اس کا دل عمل پوشیدہ رکھنے پر کیوں نہیں مانتا؟