Brailvi Books

بتائے بغیر اس کے دل کی بات یقینی طور پر جان سکیں۔لہٰذا ہماری آخرت کی بہتری اسی میں ہے کہ کسی کو بھی ریاکار گمان نہ کریں کہ یہ بدگمانی ۱؎ہے اور بدگمانی حرام اور جہنم میں لے جانے والا کام ہے۔

''نِیَّت ''کے تین حُرُوف کی نسبت سے 3شرعی احکام

    (1) اعلیٰ حضرت ، اِمامِ اَہلسنّت،مولیٰناشاہ امام اَحمد رضا خان عليہ رحمۃُ الرَّحمٰن فتاوٰی رضویہ جلد 16صفحہ 500پر لکھتے ہیں :''بلاوجہ شرعی مسلمان پر قصدِ ریا کی بدگمانی بھی حرام(ہے )۔'' 

    (2)کسی نے اعلیٰ حضرت علیہ رحمۃُ ربِّ العزّت سے پوچھا کہ ایک صاحب نے چندہ (دیکر)مسجد بنوانے کی کوشش کی، اِسی وجہ سے اپنا نام بھی پتھر میں کَنْدَہ کرانا چاہتے ہیں آیا نام کا کندہ کرانا شرعا درست ہے یانہیں؟اس کا جواب دیتے ہوئے ارشاد فرمایا :'' نام کندہ کرانے کا حکم اختلافِ نیت سے مختلف ہوتا ہے اگر نیت ریا ونمود ہے حرام و مردُود ہے اور اگر نیت یہ ہے کہ تابقائے نام (یعنی جب تک نام لکھا رہے) مسلمان دُعا سے یاد کریں تو حرج نہیں، اور حتی الامکان مسلمان کا کام محملِ نیک ہی پر محمول کیا جائے گا۔''

 (فتاوٰی رضویہ ، ج ۲۳ ، ص۳۸۹)

    (3) کسی نے کچھ اس طرح کاسوال کیا کہ اگر کوئی امام آگے پیچھے تو مغرب کی اذان تاخیر سے دلواتا ہو مگر اپنے پیر کی موجودگی میں اُسے دکھانے کے لئے جلد اذان دلوائے اور جماعت کرواتے وقت سجدہ ورکوع میں عام معمول سے ہٹ کر زیادہ دیر لگائے تو کیا یہ اس کے ریاکار ومکّار ہونے کی علامت ہے ؟اعلیٰ حضرت