Brailvi Books
 |
رِیاکاری |
24 - 167
مُفَسّرِشہیر حکیمُ الْاُمَّت حضر تِ مفتی احمد یار خان علیہ رحمۃ الحنّان اس حدیث کے تحت لکھتے ہیں: یعنی جو کام رضائے الہٰی کے لیے کئے جاتے ہیں ان میں کسی بندے کی رضا کی نیت کرے۔ بندے سے مراد دُنیا دار بندہ ہے اور ظاہر کرنا بھی اپنی ناموَری کے لیے ہونا مراد ہے لہٰذا جو شخص اپنی عبادت میں حضورصلی اللہ تعالیٰ علیہ واٰلہ وسلم کی رضا کی بھی نیت کرے یا جو کوئی مسلمانوں کو سکھانے کی نیت سے لوگوں کو اپنے اعمال دکھائے وہ اِس وعید میں داخل نہیں۔
(مِرْاٰۃ المناجیح ،ج۷،ص۱۳۰)
(22) ریا کار کا آخرت میں کوئی حصہ نہیں
حضرت سیدنا اُبَیْ بن کَعْب رضی اللہ تعالیٰ عنہ سے روایت ہے کہ رسولِ اکرم ، نُورِ مجسم صلی اللہ تعالیٰ علیہ واٰلہ وسلم نے ارشاد فرمایا ،''اس اُمت کو روشنی وبلندی او رزمین میں اختیارات کی خوشخبری سناؤ اور جس نے آخرت کا عمل (یعنی نیکی)دنیا کے لیے کیا اس کاآخرت میں کوئی حصہ نہیں ۔''