Brailvi Books
 |
رِیاکاری |
144 - 167
تاخیر ہوگئی تو آخری صف میں جگہ ملی ۔ میں نے اپنے دل میں اِس بات سے شرم محسوس کی کہ''لوگ کیا کہیں گے کہ یہ آج اتنی دیرسے آیا ہے ؟'' اُس وقت میں سمجھا کہ'' یہ سب لوگوں کے دِکھانے کے لیے تھا کہ وہ مجھے پہلی صف میں دیکھیں''( چنانچہ یہ تمام نمازیں اَکارت گئیں اور میں نے ان کی قضا لوٹائی)
(کیمائے سعادت،ج ۲ ، ص ۸۷۶)
اللہ اکبر! ہمارے اَسلاف کِرام علیھم رحمۃالمنعام کا جذبۂ اِخلاص صد مرحبا!فقط ایک'' خطرۂ دِلی''کی بنا پر تیس برس کی نمازوں کو رائیگاں تصور کر کے ان کی قضالوٹائی اور ایک طرف ہم ہیں کہ ان کی غلامی کا دَم بھرتے ہیں اور حال یہ ہے کہ اوّل تو ''کِشْتِ قلب(یعنی دل کی کھیتی)''ـ ، ''ذوقِ عبادت''کے'' بیج''سے خالی اور جیسے تیسے کر کے عبادت کر بھی لی تو'' اِخلاص کے پانی'' سے سیرابی مفقود بلکہ'' نام ونمود کی آفتِ بد'' سے'' فصلِ عبادت''تباہ کر بیٹھتے ہیں۔ ع
کھا گئی سب نیکیوں کو خواہشِ نام و نمود