Brailvi Books
 |
رِیاکاری |
143 - 167
اوران میں سے اکثر سفر کسی قسم کا زادِ راہ لئے بغیر کئے ۔پھر مجھ پر آشکار ہوا کہ یہ سب تو میری خواہشِ نفسانی سے آلودہ تھے کیونکہ ایک مرتبہ میری ماں نے مجھے گھڑے میں پانی بھر کر لانے کا حکم دیا تو میرے نفس پر ان کا حکم گراں گزرا ، چنانچہ میں نے سمجھ لیا کہ سفرِ حج میں میرے نفس نے میری موافقت فقط اپنی لذت کے لئے کی اور مجھے دھوکے میں رکھا کیونکہ اگر میرا نفس فناہو چکا ہوتا تو آج ایک حقِ شرعی پورا کرنا اسے بے حد دشوار کیوں محسوس ہوتا ؟''
(الرسالۃ القشیریۃ ،ص۱۳۵)
میٹھے میٹھے اسلامی بھائیو!اِس سے پتا چلا کہ بسا اوقات نفس نیکیوں کے پردے میں بھی اپنا کام کر دِکھاتا ہے وہ اِس طرح کہ جس نیک کام میں یہ لذت محسوس کرتا اور اپنی خواہش پُوری ہوتے دیکھتا ہے اسے کرنے پر بخوشی تیار ہو جاتا ہے اور جس نیک کام میں اِس کے لیے کوئی کششcharm) (نہ ہو اس میں گرانی کا مظاہرہ کرتا ہے۔ ؎
او شہد نمائے زہر در جام گُم جاؤں کدھر تری بدی سے (حدائقِ بخشش)