Brailvi Books

    میٹھے میٹھے اسلامی بھائیو! ہمیں چاہے کہ حتی الامکان اپنی نیکیوں کو اُسی طرح چھپائیں جس طرح اپنے گناہوں کو چھپاتے ہیں اوراسی پر قناعت کریں کہ اللہ تعالیٰ ہماری نیکی کو جانتا ہے ۔ بالخصوص پوشیدہ نیکی کرنے کے بعد نفس کی خوب نگرانی کریں کیونکہ ہوسکتا ہے کہ نفس میں اس عبادت کو ظاہر کرنے کی حرص جوش مارے اور یوں کہے کہ اگر تیرے اس عظیم عمل پر لوگوں کو اطلاع ہوجائے تو وہ بھی عبادات میں مشغول ہوجائیں ۔تُواپنے عمل کو چھپانے پر کیسے راضی ہوگیا؟ اس طرح تو لوگوں کو تیرے مقام و مرتبہ کا علم نہیں ہوگا ،چنانچہ وہ تیری قدر ومنزلت کا انکار کریں گے اور تیری پیروی سے محروم رہ جائیں گے ایسے میں تُولوگوں کا مقتدٰی کیسے بنے گا ؟ نیکی کی دعوت کیسے عام ہوگی ؟وغیرہ ۔ ایسی صورت میں اللہ تعالیٰ سے ثابت قدمی کی دُعا