میٹھے میٹھے اسلامی بھائیو! ریاکاری ایسامُہلِک باطِنی مرض ہے جو انسان کی عَقْل پر پردہ ڈال دیتا ہے ۔کتنا نادان ہے وہ شخص جو رِیاکارانہ عبادت کے ذریعے لوگوں سے عزت ،مال اور قدر ومنزلت کا طلب گار ہو کیونکہ اس نے اللہ ورسول عَزَّوَجَلَّ وصلَّی اللہ تعالیٰ علیہ واٰلہ وسلَّم کی رضا ، جنت کی اعلیٰ نعمتوں اور اَبَدِی راحتوں پر اِن عارِضی چیزوں کو ترجیح دی جو ختم ہوجانے والی ہیں،گویا یہ شخص ثواب بیچ کر عذاب خرید رہا ہے اور اُس مخلوق کو راضی کرنے کے لئے مَشَقَّتتیں برداشت کررہا ہے جو اُسے اِن نیکیوں کا کچھ بدلہ نہیں دے سکتی ،جنت کی نعمتیں نہ عذابِ جہنم سے رہائی!بلکہ دُنیا ہی میں لوگوں کو اس کی نیت کا پتا چل جائے تو وہ اس سے نفرت کرنے لگیں۔
''سُن لو!ریاکاری باعثِ ہلاکت ہے ''کے بائیس حُرُوف کی مناسبت سے ریاکاری کی 22 تباہ کاریاں
دِکھاوے کے لئے عِبادَت کرنے والے کاعَمَل ضائع ہوجاتا ہے ۔ قرآن مجید میں اِرشاد ہوا :
