امام بیہقی فرماتے ہیں میں وہ رقعہ اپنے استاد حاکم کے پاس لے گیا ،انھوں نے اپنے دروازے پرایک سقایہ (۲) بنانے کا حکم دیا، جب بن چکا اس میں پانی بھروادیا اوربرف ڈالی اورلوگوں نے پینا شروع کیاایک ہفتہ نہ گزرا تھا کہ شفاء ظاہر ہوئی پھوڑے جاتے رہے، چہرہ اس اچھے سے اچھے حال پر ہوگیاجیسا کبھی نہ تھا ، اس کے بعد برسوں زندہ رہے (۳)۔
بالجملہ(۴) مسلمانوں کوچاہیے اس پاک مبارک عمل میں چند باتوں کا لحاظ واجب جانیں کہ ان منافع جلیلہ دُنیا و آ خرت سے بہرہ مند(۵)ہوں ۔
i۔ تصحیح نیت (۶) کہ آدمی کی جیسی نیت ہوتی ہے ویسا ہی پھل پاتا ہے ، نیک کام کیا اورنیت بُری تو وہ کچھ کام کا نہیں ،