Brailvi Books
 |
رَہنمائے جدول |
46 - 248
اگر ہم مدنی مرکز کی ہدایات کے مطابق سفر کریں گے تو اِنْ شَاءَ اللہ عَزَّوَجَل شیطان سے حفاظت بھی رہے گی اور بیشمار نیکیاں حاصل کرنے میں آسانیاں بھی ملیں گی اور مدنی انعامات پر عمل کرنا ہمارے لئے بہت آسان ہوگا۔
میٹھے میٹھے اسلامی بھائیو! چار مدنی پھولوں پر عمل کرنا ہمارے مدنی قافلے میں سفر کی بنیاد ہے جس طرح مکان کے دیرپارہنے کا انحصاراس کی بنیاد پر ہوتا ہے اسی طرح مدنی قافلے کی کامیابی ان چار اصولو ں پر منحصر ہے ۔
وہ چار مدنی پھول یہ ہیں:
(۱)امیر کی اطاعت (۲) شیطان کے حیلے اورسازشوں سے بچنا
(۳)صبر (۴)مساجدکا ادب واحترام کرنا۔(۱) امیر کی اطاعت:
پیارے اسلامی بھائیو!جب بھی کوئی سفر کیا جائے تو ہمیں چاہيے کہ کسی اسلامی بھائی کو اپنا امیر مقرر کر لیں جیسا کہ مَدَنی آقا صلی اللہ تعالی علیہ والہ وسلم کا فرمان عالیشان ہے''اگر تین شخص سفر میں ہو ں تو انہیں چاہے کہ ایک کو اپنا امیر بنالیں۔''
(کنزا لعمال ،الحدیث۱۷۴۹۶،ج ۶، ص۳۰۰ )