Brailvi Books

سُدھارنے کا کوئی اِحساس نہیں۔

    لھٰذا ہمیں جہنَّم سے اپنے آپ کو بچانے اور جنَّتُ الْفردوس میں داخِلہ پانے کیلئے یہ ذہن بنانا ہوگاکہ '' میں سُدھرنا چاہتا ہوں'' اور اس کیلئے اپنے اندر خوفِ خدا و عشقِ مصطَفٰی عَزَّوَجَلَّ و صلی اﷲ تعالیٰ علیہ والہ وسلم پیدا کرنے کی بھر پورکوشش کرنی ہوگی۔ اﷲ عَزَّوَجَلَّ کی عنایت سے ہم گناہوں سے بچیں گے اور نَمازوں اور سنّتوں کی پابندی کریں گے، مَدَنی قافِلوں میں سفر کریں گے ، روزانہ رات''فکرِ مدینہ '' کرتے ہوئے ''مَدَنی انعامات '' کا فارم پُر کریں گے اور پھر ہر ماہ اپنے یہاں کے ''ذمّہ دار '' کو جمع کروائیں گے تو بفضلِ خدا بوسیلہ مصطَفٰی عَزَّوَجَلَّ و صلی اﷲ تعالیٰ علیہ والہ وسلم جہنَّم سے بچ کر داخلِ جنت ہو ں گے جو کہ اَصْل کاميابی ہے ۔ 

     میٹھے میٹھے اسلامی بھائیو!اللہ عَزَّوَجَلَّ آپ کا اورہمارا، سب کا ایمان سلامت رکھے ، ہمیں بار بار حج نصیب فرمائے ،ہمیشہ گنبدخَضْرا کے سائے میں رکھے، مُخلِص عاشقِ رسول صلی اﷲ تعالیٰ علیہ والہ وسلم بنائے ۔ہمت کیجئے اور آج سے طے کر لیجئے ، ''میں سُدھرنا چاہتا ہوں'' لہذا آج کے بعد میری کوئی نَماز قضا نہیں ہوگی ۔۔۔۔۔۔ ۔۔۔۔۔۔ اِن شاء اﷲعَزَّوَجَلَّ ، رَمَضانُ المبارَک کا کوئی روزہ قَضا نہیں ہوگا ۔۔۔۔۔۔۔۔۔۔۔۔اِن شاء اﷲعَزَّوَجَلَّ ، فلمیں ڈِرامے نہیں دیکھوں گا ۔۔۔۔۔۔۔۔۔۔۔۔اِن شاء اﷲ عَزَّوَجَلَّ ، گانے باجے نہیں سُنوں گا ۔۔۔۔۔۔ ۔۔۔۔۔۔اِن شاء اﷲ عَزَّوَجَل، داڑھی نہیں مُنڈاؤ ں گا ۔۔۔۔۔۔۔۔۔۔۔۔ اِن شاء اﷲ عَزَّوَجَلَّ داڑھی کو ایک مُٹھّی سے نہیں گھٹاؤ ں گا ۔۔۔۔۔۔۔۔۔۔۔۔ اِن شاء اﷲ عَزَّوَجَلَّ دعوتِ اسلامی کے سنّتو ں کی تربیَّت کے مَدَنی قافِلوں میں ہر ماہ تین دن سفر کیا کروں گا ۔۔۔۔۔۔ اِن شاء اﷲ عَزَّوَجَل ہرماہ مَدَنی انعامات کا فارم اپنے ذمہ دار کو جمع کروایا کروں گا ۔۔۔۔۔۔۔۔۔۔۔۔ اِن شاء اﷲ عَزَّوَجَل