ایک مرتبہ ایک شخص نے منصور حلاج سے کہا کہ مجھے کوئی وصیت کیجئے تو انہوں نے فرمایا کہ یاد رکھو کہ تمہارا نفس ایک ایسی چیز ہے کہ اگر تم نے اسے نیک کاموں میں مشغول نہ رکھا تو یہ تمہیں اپنی خواہشات کے حصول میں مشغول کردے گا ۔ لہذا ہر کسی کو چاہیے کہ اپنے نفس کو کار خیر میں مصروف رکھے تاکہ وہ اسے خواہشات نفسانیہ میں نہ پھنسا سکے ۔ پس ایک عقل مند کو دنیا کے بارے میں فکر مند نہیں ہونا چاہیے کیونکہ فکر وغم نہ تو کسی مصیبت کو ٹال سکتے ہیں اورنہ ہی کوئی نفع پہنچا سکتے ہیں بلکہ فکر وغم کرنا دل ودماغ اوربدن کے لیے بہت نقصان دہ اور نیک اعمال میں خلل پیدا کرنے والا ہے ۔ بندے کو چاہيے کہ دنیا کا فکر وغم کرنے کے بجائے اپنی آخرت کی فکر کرے کہ یہ فکر بہت فائدہ مند ہے ۔ اورجہاں تک اس حدیث پاک کا تعلق ہے کہ حضور اکرم صلی اللہ تعالیٰ علیہ واٰلہ وسلم نے ارشاد فرمایا:
