Brailvi Books
 |
راہِ علم |
74 - 109
حلوانی نے علم کے اعلیٰ مدارج کو طے کیا اوروہ اپنے وقت کے مایہ ناز عالم ثابت ہوئے نیز مالدار حضرات کو چاہيے کہ فقہاء کرام کو کتابیں خرید کر دیں ،نئی کتابوں کی اشاعت کروائیں کہ یہ سب کچھ علم وفقہ کی اشاعت کیلئے نہایت معاون ثابت ہوگا۔
امام محمد بن حسن رحمۃ اللہ تعالیٰ علیہ کے بارے میں آتاہے کہ آپ اتنے مالدار تھے کہ تین سو افراد آپ کے مال کے حساب وکتاب پر مامور تھے لیکن انہوں نے اپنا سارامال علم وفقہ کی ترویج واشاعت کے لیے خرچ کردیا حتی کہ ان کے پاس کپڑوں کا کوئی عمدہ جوڑا بھی باقی نہ رہا۔
ایک مرتبہ امام ابو یوسف رحمۃ اللہ تعالیٰ علیہ نے ان کو نہایت پھٹے پرانے کپڑوں میں دیکھاتوآپ نے ان کے لیے ایک عمدہ ساجوڑا بھجوادیا لیکن آپ نے اسے قبول کرنے سے انکارکردیا اورفرمایا کہ کچھ لوگوں کو یہ نعمتیں پہلے دے دی گئیں مگر ہمیں یہ نعمتیں آخرت میں ملیں گی ،باوجود یہ کہ تحفہ قبول کرنا سنت ہے مگر پھر بھی آپ نے اسے قبول نہ کیا۔اسکی ایک وجہ یہ بھی ہوسکتی ہے کہ ا س میں تذلیل نفس کا پہلو نکلتا تھا جو کہ ناجائز ہے کیونکہ سرکار دوعالم صلی اللہ تعالیٰ علیہ واٰلہ وسلم نے ارشاد فرمایا :
لَیْسَ لِلْمُؤْمِنِیْنَ اَنْ یُّذِلَّ نَفْسَہ،