اے عزیز طالب علم !ہر کام کے حاصل کرنے کیلئے بلند ہمت اورسخت محنت بنیادی چیز ہے پس اگر کوئی شخص امام محمد رحمۃ اللہ تعالیٰ علیہ کی تمام کتابوں کو یاد کرنے کی ہمت رکھتا ہواورسخت محنت اورمستقل مزاجی بھی اس کا ساتھ دے تو یہ ایک یقینی امر ہے کہ اگر وہ حرف بحرف یاد نہ کرسکا تو ان کا اکثر یا کم از کم نصف تو یاد کرہی لے گا۔ اسکے بخلاف اگر کوئی ارادے تو بڑے بڑے رکھتا ہے لیکن اپنے ارادوں کی تکمیل کے لیے محنت بالکل نہ کرتا ہو یا محنت تو کرتا ہولیکن اس کے سامنے مقصد کوئی نہ ہوتویہ دونوں افراد سوائے تھوڑا سا علم حاصل کرنے کے مزید کچھ حاصل نہیں کرسکیں گے ۔
