Brailvi Books

 رقم اور سوٹ سی کر دینے کا وقت  دونوں طے ہوجائیں اور اگر دَرزی نے مُقَرَّرہ تاریخ تک سی کر  نہ دیا تو وہ زائد رقم کا مستحق نہ ہوگا بلکہ اس وقت سِلائی کے جو عام ریٹ ہونگے انہی کا وہ مستحق ہو گا جیسا کہ بہارِ شریعت میں ہے  : دَرزی سے کہا اگر آج سی کر دیا تو ایک روپیہ اور کل دیا تو آٹھ آنے ، اس نے آج ہی سی کر دے دیا تو ایک روپیہ دینا ہو گا اور دوسرے دن دے گا تو اُجرتِ مِثل (یعنی وہ مزدوری جو اس کام کے کرنے والے کوعام طور پر دی جاتی ہے وہ ) واجب ہو گی جو آٹھ آنے سے زیادہ نہ ہوگی ۔ (1) 
اَرجنٹ  کپڑوں  کی وجہ سے  دوسروں کے کپڑے لیٹ کرنا
سوال : بعض اوقات دَرزی  کام کے دَوران کسی سے زیادہ (Extra) پیسے لے کر اس کے کپڑے جلدی (Urgent) سی دیتے ہیں جس کی وجہ سے دوسرے لوگوں کے کپڑے لیٹ ہوجاتے ہیں ۔ اس  کے بارے میں کیا حکم ہے ؟ 
جواب : اس کی چند صورتیں ہو سکتی ہیں :  (۱) دَرزی نے اپنے پاس کچھ زائد کاریگر رکھے ہیں جو urgent کام کرتے ہیں جس کی وجہ سے طے شُدہ کاموں میں حَرج نہیں ہوتا تو اِس طرح کا order لینے میں حَرج نہیں ۔  (۲) کاریگر تو زائد نہیں لیکن دَرزی کے پاس  اِضافی کام کی گنجائش ہے تب بھی اِس طرح کا order لینے میں حَرج نہیں (۳) دَرزی اپنے کاریگروں سے اِضافی مُعاوضے پر زائد وقت طے کر 



________________________________
1 -    بہارِ  شریعت ، ۳ / ۱۶۳ ، حصہ : ۱۴