Brailvi Books
 |
مدنی مذاکرہ قسط:29 صُلح کروانے کے فَضائل |
6 - 43
موتیوں سے آراستہ ہیں یہ شہر اور عُمدہ مَحلَّات کس پیغمبر یا صِدّیق یا شہید کے لیے ہیں؟اللہ عَزَّوَجَلَّ فرمائے گا : یہ اُس کے لیے ہیں جوان کی قیمت ادا کرے ۔ بندہ عرض کرے گا : ان کی قیمت کون ادا کر سکتا ہے ؟اللہ عَزَّوَجَلَّ فرمائے گا : تُو ادا کر سکتا ہے ۔ وہ عرض کرے گا : کس طرح ؟ اللہ عَزَّوَجَلَّ فرمائے گا : اِس طرح کہ تُو اپنے بھائی کے حُقُوق مُعاف کر دے ۔ بندہ عرض کرے گا : یَااللہ عَزَّوَجَلَّ ! میں نے سب حُقُوق مُعاف کیے ۔ اللہ عَزَّوَجَلَّ فرمائے گا : اپنے بھائی کا ہاتھ پکڑو اور دونوں اِکٹھے جنَّت میں چلے جاؤ ۔ پھر سرکار ِنامدار صَلَّی اللّٰہُ تَعَالٰی عَلَیْہِ وَاٰلہٖ وَسَلَّم نے فرمایا : اللہ عَزَّوَجَلَّ سے ڈرو اور مخلوق میں صُلح کرواؤ کیونکہ اللہ عَزَّوَجَلَّ بھی بروزِ قِیامت مسلمانوں میں صُلح کروائے گا ۔ (1 ) میٹھے میٹھے اسلامی بھائیو!اِن آیات و رِوایات سے صُلح کروانے کی اَہمیت اور اس کے فَضائل وبَرکات معلوم ہوئے لہٰذا جب کبھی مسلمانوں میں ناراضی ہو جائے تو ان کے دَرمیان صُلح کروا کر یہ فَضائل و بَرکات حاصِل کرنے چاہئیں ۔ بعض اوقات شیطان یہ وَسوسہ ڈالتا ہے کہ انہوں نے صُلح پر آمادہ ہونا ہی نہیں لہٰذا انہیں سمجھانا بیکار ہے ۔ یاد رکھیے ! مسلمانوں کو سمجھانا بیکار نہیں بلکہ مفید ہے جیسا کہ خُدائے رحمٰن عَزَّوَجَلَّ کا فرمانِ عالیشان ہے : ________________________________ 1 - مُسْتَدْرک حاکم، کتاب الاھوال، باب اذا لم یبق من الحسنات...الخ ، ۵ / ۷۹۵، حدیث : ۸۷۵۸ دار المعرفة بیروت