Brailvi Books

     انتقال کے ٹھیک26دن بعد ۱۶محرم الحرام۱۴۲۷ھ بروز بدھ جب ان کے بڑے بیٹے قبرستان فاتحہ کیلئے پہنچے تو دیکھا کہ قبر کی ایک جانب شگاف ہوگیا ہے اورہر طرف بھینی بھینی خوشبو پھیلی ہوئی ہے۔باہم مشورے سے شگاف بند کردیا گیا۔حیدرآباد کے مقیم ایک اسلامی بھائی نے حلفیہ بتایا کہ ۱۷ صفر المظفر۱۴۲۷ھ18 مارچ 2006ء بروزہفتہ شام 4:00بجے حاجی عبدالغنی مرحوم رحمۃ اللہ تعالیٰ علیہ کے بڑے بیٹے کا فون آیا کہ والد صاحب کی قبر کی دیواریں گر چکی ہیں ، دُرُستی کیلئے شاید قبر کھولنا پڑے۔ میں فوراً قبرستان پہنچا اور کئی لوگوں کی موجودگی میں جب قبر دُرُست کرنے کیلئے تختے ہٹائے گئے تو خدا کی قسم! میں نے دیکھا کہ حاجی عبدالغنی عطاری علیہ رَحْمَۃُاللہِ الْباری کا جسم 57دن گزرنے کے باوُجود سلامت ہے بلکہ کفن بھی میلا نہیں ہوا۔ قبر کے آس پاس بھینی بھینی خوشبو پھیلی ہوئی تھی۔ دعوتِ اسلامی سے وابستگی کی عظیم الشان بہار دیکھ کر سب کی زبان پر سُبْحَانَ اللہ عَزَّوَجَلَّ جاری ہو گیا۔