Brailvi Books
 |
عُیونُ الحِکایات (حصہ اول) |
20 - 410
شروع کردیئے۔ لیکن انہیں اسلام کے چاہنے والوں سے ہر میدان میں شکست اٹھانی پڑی ۔
مگر جب ان مبارک ہستیوں نے یکے بعددیگرے اس دارِ فانی سے پردہ فرماناشروع کردیا۔تو شیطانی لشکر جو اب تک ہر'' رزم ِحق وباطل'' میں ذلیل وخوار ہوتا آرہا تھا اس نے ایک بارپھر مجتمع ہوکرمسلمانوں کوان کے دین حق سے دورکرنے کی مذموم کوشش شروع کردی ۔لیکن اب پہلے جیسی بات نہ رہی، جو برکتیں اوررحمتیں قرون ثلثہ (یعنی حضرات صحابہ ،تابعین اورتبع تابعین رضوان اللہ تعالیٰ علیہم اجمعین کے مبارک زمانوں ) میں تھیں وہ ان کے بعد نہ رہیں۔چنانچہ،
مخبرصادق،رسولِ عالمیان،نبی غیب دان صلَّی اللہ تعالیٰ علیہ وآلہ وسلَّم نے ارشاد فرمایا :'' اِنَّ خَیْرَکُمْ قَرْنِیْ ثُمَّ الَّذِیْنَ یَلُوْنَھُمْ ثُمَّ الَّذِیْنَ یَلُوْنَھُمْ۔
ترجمہ : بے شک سب سے بہتر میرا زمانہ ہے، پھروہ لوگ جواِن کے بعد آئیں گے ،پھر وہ جو اُن کے بعد آئیں گے۔''
(صحیح مسلم ،کتاب فضائل الصحابۃ ،باب فضل الصحابۃ ثم الذین یلونھم ، الحدیث:۲۵۳۵)