Brailvi Books

اسی پر غنیۃ کی اس عبارت میں فرمایا کہ یہ اس وقت تھا ، جب حاضریِ مسجد انہیں جائز تھی، اب حرام اور قطعی ممنوع ہے غرض اس وجہ سے امیرا لمومنین نے ان کی شرط قبول فرمالی، پھر بھی چاہتے یہی تھے کہ یہ مسجد نہ جائیں، یہ کہتیں آپ منع فرمادیں میں نہ جاؤں گی۔ امیر المؤمنین بہ پابندی شرط (۶) منع نہ فرماتے، امیر المومنین کے بعد حضرت زبیر رضی اللہ تعالیٰ عنہ سے نکاح ہوا ، منع فرماتے وہ نہ مانتیں ایک روز انہوں نے یہ تدبیر کی کہ عشاء کے وقت اندھیری رات میں ان کے جانے سے پہلے راہ میں کسی دروازے میں چھپ رہے ، جب یہ آئیں، اس دروازے سے آگے بڑھتی تھیں کہ انہوں نے نکل کر پیچھے سے ان کے سرِ مبارک پر ہاتھ مارا، اور چھپ رہے، حضرت عاتکہ نے کہا۔