وہ لازم ہے جس کا تصور ملزوم کے تصور کے لئے لازم ہو کہ جیسے ہی ملزوم کا تصور کریں تو لازم کا تصور بھی اس کے ساتھ آجائے۔جیسے: بصر اعمی کیلئے۔
بصر اور اعمی کے درمیان ایسا گہراتعلق ہے کہ ھم جب بھی اعمی(اندھا) کا تصور کرتے ہیں تو بصر کا تصور بھی ذہن میں آجاتاہے، کیونکہ اعمی وہ ہے جو عدم البصرہو،اور عدم البصر کا تصور کرنے سے بصر کا تصور ہوجاتاہے۔
۲۔ لازم بین بالمعنی الاعم:
وہ ہے کہ لازم اور ملزوم اور ان کے مابین نسبت کے تصور کرتے ہی لزوم کا یقین حاصل ہو جائے۔ جیسے: زوجیت اربعہ کیلئے۔
یعنی لازم وملزوم کے درمیان اتنا گہرا تعلق تونہ ہو کہ جب ملزوم کا تصور کیا جائے تولازم کا تصور بھی ذہن میں آجائے تاھم اتنا تعلق ضرور ہوکہ جب لازم وملزوم دونوں کا اوران دونوں کے درمیان جو نسبت ہے اس کا تصور کیا جائے توان کے درمیان لزوم کا یقین حاصل ہوجائے۔
