Brailvi Books

    نماز ِ مغرب کے بیان اور ملاقات کے بعدعشاء کی نماز سے قبل کھانا کھا لیا جائے کیونکہ عشاء کے بعد کھانا کھانے کی صورت میں جدول کے بقیہ حلقے متاثر ہوں گے۔لہذا! ملاقات کے فوراًبعد ایک اسلامی بھائی روٹیاں لے آئے اور کھانے کی ترکیب بنائی جائے۔ اگر اخراجات اجازت دیں تو مدنی قافلے میں سفر کی نیت کرنے والے اسلامی بھائیوں کو اپنے ساتھ دستر خوان پر کھانا کھلائیں۔ ان شآء اللہ عزوجل مدنی قافلے والوں کی صحبت کی برکت سے ان کی نیت میں مزیدپختگی آئے گی۔اس کے بعد جن اسلامی بھائیوں نے اُنہیں نیت کروائی ہے،انہیں گھر تک چھوڑ کرآئیں اور اسی بہانے ان کا گھر بھی دیکھ لیں۔اذان ِعشاء سے قبل طبعی حاجات سے فارغ ہو کر پہلی صف میں تکبیر اولیٰ کے ساتھ نمازِ عشاء ادا کی جائے۔