Brailvi Books

 (۲)    ایسا نہ ہو کہ امیرِ قافلہ ،اسلامی بھائیوں کو صرف کھانے ہی کی سنتیں اور آداب سکھاتے ر ہیں، بلکہ دیگر سنتیں بھی سکھائی جائیں۔

(۳)    امیر قافلہ اس حلقے میں پہلے سنتوں پر عمل کرنے کی ترغیب دلائے اور پھر روزانہ مختلف سنتیں یاد کروائے۔پھر اس کی دُہرائی بھی ہو ، محض پڑھ کر نہ سنا دی جائیں۔

(۴)    لیکن سنتیں دُہرانے میں اس بات کا خاص خیال رکھا جائے کہ جو روانی سے نہ سنا پائے، کسی بھی طرح سے اس کی دل آزاری نہ ہو۔

(۵)     ۱۹ منٹ کے حلقے میں کم از کم ۱۲ سنتیں تو روزانہ اسلامی بھائیوں کو زبانی یاد کرواہی دیں۔

(۶)     اگرکسی دوسری مسجد کے مقامی اسلامی بھائی حلقے میں شریک ہوں تو انہیں باقاعدہ سفر کر کے سیکھنے کی دعوت دی جائے۔ یہ دعوت نہایت نرمی سے دی جائے تا کہ یہ اسلامی بھائی دوبارہ بھی حلقوں میں شامل ہو سکیں۔