Brailvi Books

نصابِ مدنی قافلہ

80 - 197

 (۸)    امیر قافلہ اسلامی بھائیوں کا ذہن بنائے کہ باجماعت نماز ادا کرنا اور اپنے ساتھ اسلامی بھائیوں کو ترغیب دلا کر مسجد میں لانا ہمارا اہم مدنی کام ہے۔

    ان شآء اللہ عزوجل قافلے والوں کی دعوت سے اگر کوئی نماز پڑھنے مسجد میں آگیا تو پھر وہ درس میں بھی بیٹھنے کی سعادت حاصل کر ے گااوراس پر انفرادی کوشش کر کے ہاتھوں ہاتھ مدنی قافلے کے لئے تیار کرنا آسان ہو جائے گا۔

دوسری مساجد میں اسلامی بھائیوں کو بھیجنا

     وہ اسلامی بھائی جن کی ذمہ داری مدنی مشورہ کے حلقے میں دوسری مساجد میں جا کر ظہر کا درس دینے کی لگائی گئی تھی وہ چوک درس سے فارغ ہوتے ہی دوسری مساجد کے لئے روانہ ہو جائیں ۔

    پیارے اسلامی بھائیو!یہ نکتہ ذہن نشین کر لیں کہ ایک مدنی قافلہ کو تین مسجدوں میں کام کرنا ہے ایک وہ مسجد جہاں قافلہ ٹھہرا ہوا ہے ،دوسری اور تیسری وہ مساجد جہاں ظہر و فجر میں باآسانی درس و بیان کی ترکیب بنائی جا سکے۔ لیکن عصر و مغرب و عشاء قافلے کے تمام شرکاء اسی مسجد میں ادا کریں جہاں قافلہ ٹھہرا ہوا ہے۔ بعض اوقات مقامی اسلامی بھائی مطالبہ کرتے ہیں کہ کہ قافلے کو تقسیم کر کے اِس مسجد کے ساتھ ساتھ دوسری مسجد میں بھی علاقائی دورہ کرلیں۔ ایسی صورتِ حال میں امیر قافلہ کو چاہے کہ مقامی اسلامی بھائیوں کو نرمی سے سمجھائیں کہ ''مدنی مرکز کے دئيے گئے جدول کے مطابق ہمارا قافلہ ایک ہی مسجد میں علاقائی دورہ برائے نیکی کی دعوت کریگا۔ ان شآء اللہ عزوجل ! دوسری مساجدمیں فجر و ظہر میں جا کر کام کی ترکیب بنائیں گے۔''