Brailvi Books
 |
نصابِ مدنی قافلہ |
66 - 197
خیر خواہ اسلامی بھائی کو چاہے کہ ہر نماز سے پہلے صفوں کے ساتھ ساتھ امام صاحب کی جائے نماز بھی درست کر کے بچھا دے۔اسی طرح قافلے والوں کا سامان ترتیب اور سلیقے کے ساتھ مناسب جگہ پر رکھے اور چادر وغیرہ سے ڈھانپ دے۔ چولہے اور کھانا پکانے کا سامان وغیرہ رکھنے کی ترکیب بھی حتی الامکان ایسی جگہ بنائے جہاں پرباہر سے آنے والے نمازیوں کی نگاہیں نہ پڑيں۔
(۴) درس و بیان کے وقت اٹھ کرجانے والوں کو روکنے والے اسلامی بھائیوں کی خیر خواہی کی ذمہ داری:
پیارے اسلامی بھائیو! درس وبیان میں اٹھ کر جانے والوں کو روکنے والے خیرخواہ اسلامی بھائیوں کو چاہیے کہ وہ نہایت نرمی اور عاجزی کے ساتھ اٹھ کرجانے والوں کو چہرے پر مسکراہٹ سجائے ایک سے دو بار بیان یا درس سننے کی دعوت دیں۔پھر اگر وہ رک جائے تو فبہا وگرنہ بے جااصرار کر کے اس کے لئے تشویش کا باعث نہ بنیں۔